ԱՄՆ զինված ուժերը նոր հարվածներ են հասցրել Իրանին՝ թիրախավորելով Հորմուզի նեղուցի մոտ գտնվող մի օբյեկտ, որը, ըստ ԱՄՆ պաշտոնյայի, սպառնում էր ինչպես ամերիկյան ուժերին, այնպես էլ առևտրային նավագնացությանը։
Սի Էն Էն-ի փոխանցմամբ՝ ԱՄՆ-ն նաև խոցել է իրանական չորս անօդաչու թռչող սարք, որոնք սպառնալիք էին ներկայացնում։
Լրատվամիջոցների հաղորդագրությունների համաձայն՝ ԱՄՆ ուժերը հարվածել են Բանդար Աբբաս քաղաքում գտնվող իրանական ցամաքային կառավարման կայանին, որտեղից նախատեսվում էր արձակել հինգերորդ անօդաչու թռչող սարքը։
ԱՄՆ ուժերի խոսքով՝ այս գործողությունները չափավոր էին, զուտ պաշտպանական բնույթի և ուղղված էին հրադադարի պահպանմանը։
Ավելի վաղ իրանական լրատվամիջոցները հայտնել էին, որ լուսաբացին երեք պայթյուն է լսվել Բանդար Աբբասից արևելք, որը Իրանի ռազմավարական նավահանգստային քաղաքն ու ռազմածովային բազան է, որը գտնվում է Հորմուզի նեղուցում։
