Վրաստանի դատախազությունը հետաքննություն է սկսել Գորի քաղաքում ոստիկանության աշխատակիցների կողմից պաշտոնեական լիազորությունների չարաշահման և բռնության ենթադրյալ դեպքերի առնչությամբ։
Հետաքննությունը տարվում է Վրաստանի ՔՕ 333-րդ հոդվածի 3-րդ մասի «բ» ենթակետով։
«Այս փուլում իրականացվում են անհետաձգելի քննչական և դատավարական գործողություններ։ Հանրությունը հնարավորինս շուտ կտեղեկացվի քննության արդյունքների մասին», — հայտարարել է դատախազությունը։
Գորիում, այսպես կոչված «Կոմբինատի» թաղամասում, ոստիկանությունը ձերբակալել է երկու անձի։ Տեսանյութում երևում է, թե ինչպես են իրավապահ մարմինների մի խումբ աշխատակիցներ ֆիզիկական բռնություն կիրառում ձերբակալվածների նկատմամբ։
ԶԼՄ-ների հաղորդագրությունները ցույց են տալիս, որ դեպքի վայրում ներկա է եղել նաև Շիդա Քարթլիի ոստիկանության դեպարտամենտի պետ Սերգեյ Բզիշվիլին։ Հաղորդվում է, որ ձերբակալվածներից մեկի մոտ, հնարավոր է, սառը զենք է եղել։
