«Վրացական երազանք» կուսակցությունը փոփոխություններ է պատրաստում «Զբոսաշրջության մասին» օրենքում։ Խորհրդարան ներկայացված օրինագծի համաձայն՝ զբոսաշրջության ոլորտի ներկայացուցիչներն այլևս պարտավոր չեն գրանցվել տնտեսական ռեգիստրում։ Դրա փոխարեն նրանք պարտավոր կլինեն գրանցվել Վրաստանի ազգային զբոսաշրջության վարչության կողմից կառավարվող հատուկ տվյալների բազայում։

Նախագծի համաձայն՝ զբոսաշրջային գործունեությամբ զբաղվող հետևյալ կազմակերպությունները պարտավոր կլինեն գրանցվել վարչության տվյալների բազայում.

• զբոսաշրջային ուղեվարները,

• տուրօպերատորները,

• տուրիստական գործակալությունները և տուրիստական գործակալները։

Զբոսաշրջության ազգային վարչությունը նույնպես կվարի գրառումներ և կմշակի այս տվյալները։

Օրինագիծը նաև փոփոխություններ է մտցնում որոշակի տուքանքների առնչությամբ.

• Զբոսաշրջության վարչության տվյալների բազայում գրանցվելու բացակայության դեպքում զբոսաշրջային գործունեություն իրականացնելը կհանգեցնի 500 լարի տուգանքի, իսկ կրկնակի խախտման դեպքում՝ 1000 լարի տուգանքի:

• Համապատասխան վկայականի բացակայության դեպքում ռիսկային զբոսաշրջային ծառայություններ մատուցելը կհանգեցնի 3000 լարի տուգանքի, իսկ կրկնակի խախտման դեպքում՝ 6000 լարի տուգանքի:

• Տեխնիկական կանոնակարգերի խախտումը կհանգեցնի 1500 լարի տուգանքի, իսկ կրկնակի խախտման դեպքում ՝ 3000 լարի տուգանքի:

Օրենքի նախագծի համաձայն՝ փոփոխությունների մեծ մասն ուժի մեջ կմտնի 2026 թվականի հունիսի 1-ից, իսկ որոշ պատժամիջոցներ՝ 2027 թվականից։