Վրաստանը նշում է Անկախության օրը։ Անկախության օրվա տոնակատարությունները տեղի կունենան Ազատության հրապարակում։

Այս տարի զորակոչիկները զինվորական երդում կտան մայիսի 26-ին, որից հետո կմիանան զինված ուժերին։ Զինվորականներն երդում կտան նաև Վրաստանի 12 պատմական վայրերում։

Զինվորական տեխնիկան ցուցադրվում է Ազատության հրապարակում։

«Ծրագրի իրականացումը կսկսվի ժամը 11:00-ին, և մեր յուրաքանչյուր քաղաքացի հնարավորություն կունենա գալ և տեսնել մայիսի 26-ին նախատեսված միջոցառումը, որտեղ կցուցադրվեն Պաշտպանության ուժերի զենքերը, զինատեխնիկան և տեխնիկական հագեցումը։

Ավելին, Վրաստանի 12 շրջաններում կանցկացվեն ցուցահանդեսներ, և քաղաքացիները հնարավորություն կունենան տեսնելու այս ամենը», — ասել է փոխգնդապետ Լաշա Զազաձեն։

Վրաստանը Անկախության օրը նշում է ամեն տարի մայիսի 26-ին։

1918 թվականի մայիսի 26-ին Վրաստանի Ազգային խորհուրդը Թբիլիսիում ընդունեց «Անկախության մասին ակտը»։ Դրանով ավարտվեց Ռուսական կայսրության կազմում գտնվելու 117 տարին (սկսած 1801 թվականի անեքսիայից), և ստեղծվեց Վրացական Դեմոկրատական Հանրապետությունը։