Վերջին հինգ տարիների ընթացքում կիբեռհանցագործությունների հետ կապված քրեական գործերի թիվն աճել է 77%-ով։ Այս մասին նշված է Վրաստանի դատախազության 2025 թվականի զեկույցում։ Մասնավորապես, եթե 2025 թվականին այս հանցագործության համար հարուցվել է 246 գործ, ապա 2020 թվականին այդ թիվը կազմել է 139։

Ինչպես բացատրում է դատախազությունը, վերջին տարիներին կիբեռհանցագործությունների դեպքերի թիվն աճել է «այս ոլորտում մասնագիտացած իրավասու մարմինների ներկայացուցիչների, քննիչների և դատախազների վերապատրաստման և առաջադեմ ուսուցման» շնորհիվ։

Մասնավորապես, ըստ զեկույցի, 2020-2025 թվականներին կիբեռհանցագործությունների հետապնդման վիճակագրությունը հետևյալն է.

2025՝ 246,

2024՝ 185,

2023՝ 204,

2022՝ 204,

2021՝ 163,

2020՝ 139:

Ավելին, ըստ փաստաթղթի, 2025 թվականին, Վրաստանի ՔՕ 52-րդ հոդվածի հիման վրա, դատարանը պետության օգտին կիբեռհանցագործության մեջ դատապարտված անձանցից բռնագրավել է մոտ 3 780 000 լարի կանխիկ և 122 200 լարի վիրտուալ ակտիվներ: