20 օրական նորածնի ընտանիքը մեղադրում է Բաթումիի Իաշվիլիի անվան կլինիկային անփութության և երեխային տրավմա հասցնելու մեջ։ Առողջապահության նախարարության կարգավորող մարմինը հետաքննություն է սկսել 20 օրական նորածնի շուրջ տարածված տեղեկատվության վերաբերյալ: Այս մասին InterPressNews-ին հայտնել են Առողջապահության նախարարությունից։

Երեխայի հայրը «Պիրվելի» հեռուստաալիքին պատմել է, որ նորածինը կլինիկա է տարվել վիրուսով, սակայն «այսօր երեխան գլխի վնասվածք է ստացել»։

«Երեխան երկու շաբաթական էր, երբ տանը բրոնխիալ բարդություններ առաջացան, և մենք նրան տարանք Բաթումիի Իաշվիլիի անվան կլինիկա։ Այնտեղ մեզ ասացին, որ նրա գլուխը կոտրված է, և հիմա մեղադրում են ընտանիքին»,-ասաց նորածնի հայրը։

Ըստ ընտանիքի հարազատի, երեխան, ենթադրաբար, վնասվածքը ստացել է կլինիկայում։

«Նրանք են վնասվածքը պատճառել, բայց մեղադրում են ընտանիքին։ Երեխան առողջ է ընդունվել, նա վիրուս ուներ, իսկ այնտեղից գլխի կոտրվածքով է ուղարկվել»,-ասաց ընտանիքի մերձավորը։

Հարկ է նշել, որ երեխան այժմ տեղափոխվել է Թբիլիսի և բուժվում է Թբիլիսիի Իաշվիլիի անվան կլինիկայում։