Ներքին գործերի նախարարության կենտրոնական քրեական ոստիկանությունը և Ֆինանսների նախարարության եկամուտների ծառայության մաքսային վարչությունը ձերբակալել են օտարերկրյա քաղաքացու՝ Վրաստան մեծ քանակությամբ հոգեմետ նյութեր ապօրինի ձեռք բերելու, պահելու և ներմուծելու մեղադրանքով։ Այս մասին հայտնում է Ներքին գործերի նախարարությունը։
Քութաիսիի միջազգային օդանավակայանում մեղադրյալի ձեռքի ուղեբեռի ստուգման ժամանակ իրավապահ մարմինների աշխատակիցները մեծ քանակությամբ «Պրեգաբալին» հոգեմետ նյութ են առգրավել:
Գերատեսչության տվյալներով՝ հետաքննությունը շարունակվում է Քրեական օրենսգրքի 261-րդ և 263-րդ հոդվածներով, որոնք նախատեսում են մինչև 12 տարի ազատազրկում։
