Ըստ ԶԼՄ-ների հաղորդագրությունների՝ Չինաստանի նախագահ Սի Ցզինպինը հայտարարել է, որ Թայվանի հարցը կարող է հանգեցնել ԱՄՆ-ի և Չինաստանի միջև հակամարտության։
Ըստ լրատվամիջոցների հաղորդագրությունների՝ Դոնալդ Թրամփի հետ հանդիպման ժամանակ Սի Ցզինպինը Թայվանի հարցը անվանել է «Չինաստան-ԱՄՆ հարաբերությունների ամենակարևոր հարցը»։
«Եթե մենք սա ճիշտ կարգավորենք, երկկողմ հարաբերությունները, ընդհանուր առմամբ, կմնան կայուն։ Եթե մենք դա ճիշտ չկարգավորենք, երկու երկրները կարող են բախվել կամ նույնիսկ կոնֆլիկտների մեջ մտնել, ինչը Չինաստան-ԱՄՆ հարաբերությունները կդնի չափազանց վտանգավոր իրավիճակի մեջ», — նշել է Սի Ցզինպինը։
Չինաստանը Թայվանը համարում է իր նահանգը և չի բացառում ուժի կիրառումը։
«Վերջին տարիներին Պեկինը ակտիվացրել է կղզու շուրջ ռազմական վարժանքները, այդ թվում՝ նավահանգստի իմիտացիոն շրջափակումները, ինչը մտահոգություններ է առաջացրել Թայվանի իշխանությունների շրջանում: Վաշինգտոնը ճանաչում է Պեկինին որպես Չինաստանի միակ օրինական կառավարություն, բայց պահպանում է ոչ պաշտոնական հարաբերություններ Թայվանի հետ և օրենքով պարտավոր է կղզուն մատակարարել պաշտպանական միջոցներ: Անցյալ տարի Դոնալդ Թրամփի վարչակազմը հայտարարել էր Թայվանին 11 միլիարդ դոլարի զենքի վաճառքի մասին, ինչը զայրացրել էր Պեկինին», — գրում են ԶԼՄ-ները:
