Ախալցիխեում Մարդա գյուղի եկեղեցուց սրբապատկերները հանվել են և դրվել աղբանոցի մոտ։ Սա տեղի է ունեցել մայիսի 11-ի գիշերը։ Հաջորդ օրը բնակիչներն ու հոգևորականները սրբապատկերները վերադարձրել են եկեղեցի։ Վրաստանի Ներքին գործերի նախարարությունը հետաքննություն է սկսել ՔՕ 155-րդ հոդվածով՝ կրոնական արարողության իրականացմանն անօրինական խոչընդոտում։ Միջադեպի մասին հաղորդել է տեղական toktv.gehttps://toktv.ge/новости/44484/ հեռուստաալիքը։

Այս եկեղեցին երկար տարիներ վեճի առարկա է եղել ուղղափառ և հայ առաքելական թեմերի միջև, և այնտեղ այլևս պատարագներ չեն մատուցվում։

Հայ առաքելական եկեղեցու առաջնորդ Հակոբ քհն. Սահակյանը ասել է, որ չգիտի, թե ով է սրբապատկերները հանել եկեղեցուց կամ ինչու։

«Ես այսօր երեկոյան էլ այնտեղ էի։ Ամենայն հավանականությամբ, դա տեղի է ունեցել ուշ գիշերը, ժամը երկուսից հետո։ Ամեն ինչ դուրս է տարվել՝ սրբապատկերները և այլ իրեր։ Ամեն ինչի վրա աղբ էր լցված։ Սրբապատկերները շատ վատ վիճակում էին։ Մենք ամեն ինչ հետ բերեցինք և դրեցինք իրենց տեղերում։ Մենք չգիտենք, թե ով է դա արել։ Նորմալ մարդը նման բան չէր անի», — ասել է նա sknews.ge-ի հետ զրույցում։

Մոտակա տների բնակիչները մայիսի 12-ի առավոտյան, երբ դուրս էին եկել աղբը դեն նետելու, նկատել էին սրբապատկերներն իրենց աղբամանների մոտ։ Նրանք սրբապատկերները վերադարձրել էին եկեղեցի և դրանց մասին հայտնել հոգևորականությանը ու իրավապահ մարմիններին։