Իսպանիան սկսել է տարհանել Կանարյան կղզիների Թեներիֆեի ափերի մոտ գտնվող զբոսանավից ուղևորներին, որտեղ հանտավիրուսի բռնկում է գրանցվել, հաղորդում է BBC-ն։
BBC-ի փոխանցմամբ՝ Իսպանիայի առողջապահության նախարար Մոնիկա Գարսիան հայտարարել է, որ տարհանման գործողությունն արդեն սկսվել է, և ուղևորներից ոչ մեկի մոտ ախտանիշներ չեն նկատվում։
Սկզբնական փուլում տարհանվել է Իսպանիայի տասնչորս քաղաքացի, որին հաջորդել են Նիդեռլանդների, Գերմանիայի, Հունաստանի և այլ երկրների քաղաքացիներ, ինչպես նաև անձնակազմի որոշ անդամներ։
Հաստատվել է հանտավիրուսային վարակի ութ դեպք, իսկ երեք մարդ մահացել է վիրուսից։
Հանտավիրուսային վարակը հազվագյուտ հիվանդություն է, որը սովորաբար առաջանում է վարակված կրծողների մեզի, կղանքի կամ թքի հետ շփումից։
