Այսօր՝ ապրիլի 23-ին, Ախալքալաքում տեղի ունեցավ ամենամյա ջահերով երթը, որը նվիրված էր Հայոց ցեղասպանության 111-րդ տարելիցին։

Երթը սկսվել է ժամը 19:30-ին Ախալքալաքի բերդից և ուղղվել դեպի Սուրբ Խաչ եկեղեցի։ Կազմակերպիչները՝ «Ջավախքի երիտասարդական միությունը», նախկինում կոչ էր արել բոլորին միանալ և մասնակցել այս հիշատակի միջոցառմանը։

Արդեն մի քանի տարի է, ինչ ապրիլի 23-ի երեկոյան Ախալքալաքում անցկացվում է ջահերով երթ՝ ի հիշատակ Հայոց ցեղասպանության սրբադասված զոհերի։ Բնակիչները վառում են ջահեր և, պաստառներով ու կարգախոսներով, Ախալքալաքի բերդից քայլում դեպի հայկական եկեղեցի։ Նրանք նաև մոմեր են վառում Սուրբ Խաչ եկեղեցում։