«Վրացական երազանք»-ը կրկին փոփոխություններ է կատարում «Դրամաշնորհների մասին» օրենքում: Պատգամավորների մեծամասնության նախաձեռնությամբ խորհրդարան է ներկայացվել նախագիծ, որի համաձայն՝ Վրաստանում հավատարմագրված դիվանագիտական առաքելությունների, հյուպատոսական հիմնարկների և միջազգային կազմակերպությունների տրամադրած միջոցները, որոնք օգտագործվում են կամ կարող են օգտագործվել օտարերկրյա կառավարության կամ օտարերկրյա քաղաքական կուսակցության քաղաքական կամ հասարակական շահերից, մոտեցումներից կամ հարաբերություններից բխող գործունեության համար, չեն համարվում դրամաշնորհ։
«Խորհուրդ է տրվում պարզաբանել դրամաշնորհ տրամադրող սուբյեկտը և դրամաշնորհ չհամարել Վրաստանում հավատարմագրված դիվանագիտական առաքելությունների, հյուպատոսական հիմնարկների և միջազգային կազմակերպությունների ներկայացուցչությունների տրամադրած այն միջոցները, որոնք օգտագործվում են կամ կարող են օգտագործվել օտարերկրյա պետության կառավարության կամ օտարերկրյա քաղաքական կուսակցության քաղաքական կամ հասարակական շահերից, մոտեցումներից կամ հարաբերություններից բխող գործունեության համար և ուղղակիորեն կապված են դիվանագիտական ներկայացուցչության գործունեության հետ։
Օրենքի ներկայիս ձևակերպումը չի տարածվում վերոնշյալ հարաբերությունների վրա, սակայն օրենքի միատարր ընթերցումն ապահովելու համար խորհուրդ է տրվում համապատասխանաբար պարզաբանել», — նշված է օրենքի նախագծի պարզաբանման մեջ։
«Վրացական երազանք»-ի որոշմամբ և խորհրդարանի ընդունած օրենքներով խստացվել են օտարերկրյա դրամաշնորհների ստացման կանոնները։
