Վրաստանի Ազգային վիճակագրության ծառայության տվյալներով՝ տարեկան գնաճը հիմնականում պայմանավորված է եղել սննդամթերքի և ոչ ալկոհոլային խմիչքների գների փոփոխություններով։ Այս խմբում գներն աճել են 7.5%-ով, տարեկան գնաճի մակարդակը կազմել է 2.57%։ Գներն աճել են՝ ձուկը՝ 21.2%-ով, մրգերը և խաղողը՝ 13.4%-ով, իսկ հացը և հացաբուլկեղենը՝ 9.6%-ով։

Մսի և մսամթերքի գներն աճել են 9.6%-ով, յուղերը և ճարպերը՝ 7.7%-ով։ Շաքարավազը, մուրաբան և այլ քաղցրավենիքը թանկացել են 5.3%-ով, բանջարեղենը՝ 4.9%-ով, իսկ կաթը, պանիրը և ձուն՝ 4.5%-ով։ Սուրճի, թեյի և կակաոյի գներն աճել են 3.8%-ով, մինչդեռ հանքային և աղբյուրի ջրերը, գազավորված ըմպելիքները և բնական հյութերն աճել են 2.1%-ով։

Տրանսպորտ. Այս խմբում գներն աճել են 4.0%-ով՝ նպաստելով տարեկան գնաճի մակարդակին 0.49 տոկոսային կետով: Տրանսպորտային ծառայությունների գներն աճել են 7.3%-ով, իսկ անձնական տրանսպորտային միջոցների շահագործման ծախսերը՝ 5.7%-ով:

Տարբեր ապրանքներ և ծառայություններ. գներն աճել են 9.8%-ով՝ նպաստելով ընդհանուր ինդեքսին 0.48 տոկոսային կետով: Ամենամեծ աճը գրանցվել է այլ կատեգորիաներում չներառված անձնական իրերի (58.1%), ապահովագրության (8.5%) և անձնական հիգիենայի (4.3%) դեպքում:

Ալկոհոլային խմիչքներ և ծխախոտ. գներն աճել են 6.2%-ով՝ անդրադառնալով ընդհանուր ինդեքսի վրա 0.39 տոկոսային կետով: Այս ժամանակահատվածում գներն աճել են ինչպես ծխախոտային արտադրանքի (8.0%), այնպես էլ ալկոհոլային խմիչքների (4.6%) դեպքում: