Մարտի 28-29-ը Ախալքալաքի մարզական համալիրում անցկացվեց քիքբոքսինգի միջազգային առաջնություն: Մրցույթին մասնակցում էին 9-ից 16 տարեկան 234 մարզիկ, ովքեր ներկայացնում էին Վրաստանի և Հայաստանի տարբեր շրջաններ: Ախալքալաքի 15 մրցակիցներից տասը նվաճեցին չեմպիոնական գոտիներ:

Մրցաշարն անցկացվեց տասը քաշային կարգում:

Քիքբոքսինգի ֆեդերացիան շնորհակալություն հայտնեց Ախալքալաքի քաղաքապետարանին ամենամյա աջակցության համար, այդ թվում՝ մարզասրահի, գավաթների և մեդալների տրամադրման համար:

«Հաղթողների թվում էին ինչպես չեմպիոններ, այնպես էլ սիրողականներ: Չեմպիոնները փորձառու մարզիկներ են, ովքեր մասնակցել են բազմաթիվ մրցումների, այդ թվում՝ միջազգային, և գրավել են առաջին տեղեր՝ ինչպես Վրաստանում, այնպես էլ Վրաստանի սահմաններից դուրս», — նշեց Ախալքալաքի թիմի մարզիչ Սերգեյ Տոնականյանը:

Առաջին հորիզոնական են գրավել հետևյալ մարզիկները՝

• Հակոբ Խաչատրյան (ծնված 2008թ., մինչև 75 կգ),

• Նորայր Պոդոսյան (ծնված 2009թ., մինչև 60 կգ),

• Գոգոր Իսոյան (ծնված 2009թ., մինչև 65 կգ),

• Արտյուշ Երզնկյան (ծնված 2012թ., մինչև 34 կգ),

• Քաջավան Ծառուկյան (ծնված 2013թ., մինչև 38 կգ),

• Թաթուլ Ուրեկյան (ծնված 2012թ., մինչև 36 կգ),

• Մոսո Օկանեսյան (ծնված 2016թ., մինչև 27 կգ),

• Վրեժ Իշխանյան (ծնված 2016թ., մինչև 31 կգ),

• Արման Մարուքյան (ծնված 2017թ., մինչև 33.3 կգ),

• Արսեն Կիրակոսյան (ծնված 2014թ., մինչև 40.6 կգ),

• Արտյուշ Կիրակեսյան (սիրողական կատեգորիա),

• Վանիկ Հակոբյան (սիրողական կատեգորիա):

Երկրորդ հորիզոնականներ՝

• Ալբերտ Պոդոսյան (ծնված 2008թ., մինչև 55 կգ),

• Վարազդատ Հակոբյան (սիրողական կատեգորիա),

• Մհեր Աղջոյան (սիրողական կատեգորիա),

• Արման Գասպարյան (սիրողական կատեգորիա):

Վրաստանի քիքբոքսինգի ֆեդերացիան երկրի տարբեր քաղաքներում անցկացնում է քիքբոքսինգի առաջնություններ տարբեր քաշային կարգերում՝ սպորտաձևը տարածելու համար: Ֆեդերացիայի օրացույցի համաձայն, այս առաջնությունը նախատեսված էր անցկացնել Ախալքալաքում: Ախալքալաքում առաջնությունը կազմակերպել է մարզիչ Սերգեյ Տոնականյանը: