Ավանդային ծրագրի շրջանակներում B1/B2 կատեգորիայի վիզայի դիմորդները, որոնք կբավարարեն վիզայի պահանջները, հյուպատոսից կստանան մինչև 3 ամիս տևողությամբ մեկանգամյա մուտքի վիզա: Հատկանշական է, որ ԱՄՆ-ում մնալու վերջնական տևողությունը որոշում է ոչ թե վիզան, այլ սահմանին ԱՄՆ ներքին անվտանգության վարչության ներգաղթի սպան, որը երկիր մուտք գործելիս սահմանում է կոնկրետ ժամկետ:

«Անձնագրում ԱՄՆ վիզայի առկայությունն օտարերկրյա քաղաքացուն իրավունք է տալիս խնդրել Միացյալ Նահանգներ մուտք գործելու թույլտվություն: Վիզան միայն հաստատում է, որ ԱՄՆ դեսպանատանը կամ հյուպատոսությունում ձեր դիմումը քննել է հյուպատոսական սպան և որոշել, որ դուք որակավորված եք ԱՄՆ սահմանային կետ մեկնելու համար: Սահմանային կետում ԱՄՆ ներքին անվտանգության դեպարտամենտի ներգաղթի սպան է որոշում երկիր մուտք գործելու իրավունքն ու տևողությունը», — պարզաբանել է Վրաստանում ԱՄՆ դեսպանատունը:

Դեսպանատան փոխանցմամբ՝ կարգավորումը չի տարածվում արդեն տրված վիզաների վրա:

«Վիզայի ավանդի պահանջը հետադարձ ուժ չունի և չի տարածվի արդեն տրված, վավեր B1/B2 կատեգորիայի վիզա ունեցողների վրա: Կանոնակարգերը կտարածվեն Վրաստանի բոլոր այն քաղաքացիների վրա, որոնք աշխարհի ցանկացած երկրում կդիմեն B1/B2 կատեգորիայի վիզայի համար:

Վիզայի ավանդ ունեցող անձինք չեն կարող օգտվել չարտերային ավիացիոն, ընդհանուր ավիացիոն, ցամաքային կամ ծովային մուտքի նավահանգիստներից»,—նշված է ԱՄՆ դեսպանատան տարածած հաղորդագրության մեջ:

Աղբյուրը՝ Bpn.ge