2025 թվականին Եվրոպական Միությունում ապաստանի դիմումների թիվը նախորդ տարվա համեմատ նվազել է 19%-ով, ըստ Եվրոպական Միության ապաստանի գործակալության (EUAA) 2025 թվականի զեկույցի։

2025 թվականին Վրաստանի քաղաքացիներից Եվրամիությունում գրանցվել է ապաստանի 15 հազար 295 դիմում, ինչը մի քիչ պակաս է 2024 թվականի ցուցանիշից։

Մասնավորապես, 2024-ի նույն ժամանակահատվածում գրանցվել է ապաստանի 15 հազար 103 դիմում։

Վրաստանի քաղաքացիներն ամենաշատն ապաստան են խնդրել հետևյալ երեք երկրներից` Ֆրանսիա, Իտալիա և Գերմանիա։

ԵՄ տվյալների համաձայն՝ Վրաստանի քաղաքացիներից ստացած դիմումներից 11 հազար 577-ը դեռևս քննարկման փուլում են, 1026 դիմորդներ հետ են վերցրել իրենց դիմումները։

Փաստաթղթի համաձայն՝ նվազումը հիմնականում պայմանավորված է Սիրիայի, Բանգլադեշի և Թուրքիայի քաղաքացիների դիմումների նվազմամբ։

Անցյալ տարի ԵՄ երկրները ստացել են ընդհանուր առմամբ 822 հազար ապաստանի դիմում։ Հաշվետու ժամանակահատվածում ապաստանի դիմումների քանակով առաջատարը Աֆղանստանն է (ավելի քան 117 հազար դիմում)։ Ապաստանի դիմումների 20%-ը ստացել է Գերմանիան, 19%-ը՝ Ֆրանսիան, 17%-ը՝ Իսպանիան, 16%-ը՝ Իտալիան և 7%-ը՝ Հունաստանը։