Նինոծմինդայից Ծալկայով Թբիլիսի տանող ճանապարհը փակ է բոլոր տրանսպորտային միջոցների համար, մասնավորապես փակ է Փարավանի լեռնանցքը: Ախալքալաքից Թուրքիայի և Հայաստանի սահմաններ տանող ճանապարհներին սահմանափակված է կցորդներով և կիսակցորդներով տրանսպորտային միջոցների երթևեկությունը։ Այս ճանապարհներին Դեպարտամենտը սահմանափակումներ չի սահմանել այլ տրանսպորտային միջոցների համար։ Դեպի Լարս տանող ճանապարհը փակ է ձնահոսքի վտանգի պատճառով։ Այս սահմանափակումների մասին հայտարարում է Ճանապարհների դեպարտամենտը։
Ըստ շրջակա միջավայրի ազգային գործակալության՝ Մցխեթա-Ստեփանծմինդա-Լարս միջազգային նշանակության ավտոմայրուղու Գուդաուրի-Կոբի հատվածում ձնահոսքի վտանգի մակարդակը բարձր է, այդ պատճառով բոլոր տեսակի ավտոմեքենաների երթևեկությունը նշված հատվածում ժամանակավորապես արգելված է։
«Ինտենսիվ մաքրման աշխատանքների արդյունքում ճանապարհն արդեն մաքրվել է, և թեթև տրանսպորտային միջոցների երթևեկությունը դեպի Գուդաուրի վերականգնվել է։
Ինչ վերաբերում է մյուս ուղղություններին. ձնահոսքի վտանգի, առատ ձյան, վատ տեսանելիության և ձնաբքի պատճառով բոլոր տեսակի տրանսպորտային միջոցների երթևեկությունը ժամանակավորապես սահմանափակված է. Վերոնա-Թելավի հատվածում, Նիջբիսի-Դիդգորի-Դիդի Թոնեթի ճանապարհին, Փարավանի լեռնանցքում, Բաթումի-Ախալցիխե ճանապարհային հանգստավայր Գոդերձի-Ուտկիսուբանի հատվածում, Կալա-Ուշգուլի և Մելե-Լասդիլի հատվածներում։
Ինտենսիվ ձյան և դժվարին օդերևութաբանական պայմանների պատճառով կցորդիչով և կիսակցորդիչով տրանսպորտի երթևեկությունը սահմանափակված է. Գոմի-Սաչխերե հատվածում, Կոդա-Փարցխիսի-Մանգլիսի-Ծալկա-Նինոծմինդա կմ1-կմ42 ճանապարհին և կմ110-կմ146 հատվածներում, Ախալցիխե-Նինոծմինդա և Ախալքալաք-Կարծախ ճանապարհներին, Սաչխերե-Օնի ճանապարհին, Նաքերալա լեռնանցքում և Զուգդիդի-Ջվարի-Մեստիա-Լասդիլի ավտոմայրուղու Ջվարի-Ուշգուլի հատվածում։
Ճանապարհների մնացած հատվածներում տրանսպորտային միջոցների երթևեկությունն ազատ է», – նշվում է տեղեկատվության մեջ։
