Խորհրդային օկուպացիայի օրվա կապակցությամբ Վրաստանի կառավարության աշխատակազմի շենքի վրա իջեցվել է պետական ​​դրոշը։

Ըստ Վրաստանի կառավարության կողմից տարածված տեղեկության, երկրի վարչական շենքերում և արտասահմանում գտնվող Վրաստանի դիվանագիտական ​​​​ներկայացուցչություններում ազգային դրոշները կիսով չափ իջեցվել են։

Խորհրդային օկուպացիայի օրվա կապակցությամբ Ախալքալաքի մունիցիպալիտետի վարչական շենքերի վրա նույնպես իջեցվել են պետական ​​դրոշները։

Հիշեցնենք, որ Վրաստանի խորհրդարանի 2010 թվականի հուլիսի 21-ի որոշմամբ փետրվարի 25-ը հայտարարվեց Խորհրդային օկուպացիայի օր:

1921 թվականի փետրվարի 25-ին Ռուսաստանի Կարմիր բանակն օկուպացրեց Թբիլիսին, տապալեց Վրաստանում համընդհանուր և ազատ ընտրություններով ընտրված կառավարությանը և անեքսիայի ենթարկեց միջազգային իրավունքի սուբյեկտին՝ Վրաստանի Դեմոկրատական ​​Հանրապետությանը։