Ներքին գործերի նախարարության միգրացիայի վարչության աշխատակիցները, նախարարության համապատասխան ստորաբաժանումների հետ սերտ համագործակցությամբ, վերջին օրերին Վրաստանից արտաքսել են 85 օտարերկրյա քաղաքացիների: Այս մասին հաղորդում է Ներքին գործերի նախարարությունը։

Գործակալության տվյալներով՝ գործող օրենսդրության համաձայն, արտաքսված անձանց արգելվել է մուտք գործել երկիր։

«Միգրացիայի վարչության կողմից ձեռնարկված համալիր միջոցառումների արդյունքում երկրից արտաքսվել են հետևյալ երկրների քաղաքացիները՝ Ադրբեջան, Հայաստան, Բանգլադեշ, Բելառուս, Եգիպտոս, Իրաք, Թուրքիա, Թուրքմենստան, Եմեն, Հորդանան, Հնդկաստան, Իրան, Իսրայել, Կոտ դ’Իվուար, Կուբա, Նեպալ, Նիգերիա, Պակիստան, Ռուսաստան, Հարավային Աֆրիկա, Սուդան, Թաիլանդ, Ֆիլիպիններ, Ղրղզստան և Չինաստան՝ ընդհանուր առմամբ 85 քաղաքացի», – ասվում է Ներքին գործերի նախարարության հայտարարության մեջ։