Վրաստանի էկոնոմիկայի և կայուն զարգացման նախարար Մարիամ Քվրիվիշվիլին մեկնել է Հայաստանի Հանրապետություն։
Ըստ էկոնոմիկայի և կայուն զարգացման նախարարության՝ այցի շրջանակներում Մարիամ Քվրիվիշվիլին հանդիպումներ կունենա ՀՀ փոխվարչապետ Տիգրան Խաչատրյանի, ինչպես նաև էկոնոմիկայի նախարար Գևորգ Պապոյանի և ՀՀ տարածքային կառավարման և ենթակառուցվածքների նախարար Դավիթ Խուդաթյանի հետ։
«Կողմերը կքննարկեն Վրաստանի և Հայաստանի միջև առևտրատնտեսական կապերի հետագա զարգացման հարցերը։
Վրացական պատվիրակության կազմում են էկոնոմիկայի և կայուն զարգացման նախարարի տեղակալներ Թամար Իոսելիանին և Գենադի Արվելաձեն։ ՀՀ-ում Վրաստանի դեսպան Գիորգի Շարվաշիձեն նույնպես կմասնակցի Երևանում նախատեսված հանդիպումներին», – ասվում է նախարարության հաղորդագրության մեջ։
