Վրաստանի գյուղի զարգացման և գյուղատնտեսության գործակալության տեղեկախորհրդատվական կենտրոնի տվյալներով, Ախալքալաքի մունիցիպալիտետում կա ավելի քան 11 000 գլուխ խոշոր եղջերավոր անասուն և ավելի քան 41 000 թռչուն։ Չնայած անասնապահությունը մնում է կարևոր ոլորտ, վերջին տարիներին մի քանի գյուղերում նկատվել է ֆերմերային տնտեսությունների թվի անկում։

Ախալքալաքի մունիցիպալիտետի բնակիչները ավանդաբար զբաղվել են և՛ հողագործությամբ, և՛ անասնապահությամբ, սակայն վերջին տարիներին արոտավայրերի հետ կապված խնդիրների և կաթնամթերքի ցածր գների պատճառով շատ բնակիչներ կրճատել են իրենց անասունների գլխաքանակը։ Քաղաքին մոտ գտնվող գյուղերում խոշոր եղջերավոր անասունների գլխաքանակը գործնականում պակասում է։

Պաշտոնական տվյալների համաձայն, մունիցիպալիտետում կա 11 248 գլուխ խոշոր եղջերավոր անասուն։ Ամենամեծ թիվը գրանցված է Կարծախ գյուղում՝ 1 280 գլուխ։ Երկրորդ տեղում է Հոկամը, իսկ երրորդում՝ Դիլիսկան է։

Խոզերի գլխաքանակը կազմում է 10 553։ Խոզերի ամենամեծ թիվը պահվում է քաղաքի մոտակա գյուղերում։ Դիլիսկան ունի ամենամեծ խոզերի թվաքանակը, որին հաջորդում են Կարտիկամը և Վաչիանը։

Մունիցիպալիտետում հաշվառվում է նաև 7 990 ոչխար և 520 այծ։

Ընդհանուր թռչունների գլխաքանակը կազմում է 41 633, այդ թվում՝

• 38 618 հավ,

• 160 հնդկահավ,

• 350 սագ։

Ամենամեծ թվով հավերը գրանցված են Կարտիկամ գյուղում՝ 7206, որին հաջորդում է Վաչիանը՝ 3600-ով: Երրորդ տեղը զբաղեցնում է Սուլդա գյուղը՝ մոտավորապես 3500 հավով:

Ամենամեծ թվով հնդկահավ՝ 60, գրանցված է Պտենա գյուղում: Ամենամեծ թվով սագ գրանցված 1 Գոգաշեն գյուղում՝ 100:

Ավելին, մունիցիպալիտետի գյուղերում կա 3182 մեղվաընտանիք:

Նախորդ տարիների համար նմանատիպ վիճակագրության բացակայության պատճառով, Jnews-ը չի կարող հաշվարկել ճշգրիտ տոկոսային աճը կամ նվազումը, սակայն ներկայացված տվյալները բացահայտում են մի քանի միտումներ՝

• Անասունների գլխաքանակի կրճատում քաղաքամերձ գյուղերում։

• Անասունների մեծ կենտրոնացում որոշ գյուղերում։

• Ոչխարների և այծերի համեմատաբար փոքր քանակություն։

• Զարգացող մեղվաբուծություն։