Վրաստանի Սննդի ազգային գործակալությունը Քվեմո Քարթլիի շրջանում հայտնաբերել է չորս անօրինական պանրի գործարան: Ստուգումների ընթացքում տեսուչները պարզել են, որ գործարանները գործել են առանց կարգավորողի պարտադիր ճանաչման և խախտել են սանիտարահիգիենիկ չափանիշները:

Հայտնաբերված անօրինական օբյեկտների թվում են Ռուսթավի քաղաքում անհատ ձեռնարկատեր Գ.Բ.-ն, ինչպես նաև Գարդաբանիի մունիցիպալիտետի Թելեթի գյուղի ընկերություններն ու ձեռնարկատերերը: Բոլոր խախտողները տուգանվել են, և նրանց գործունեությունը կասեցվել է:

Սննդի գործակալությունը կրկին կոչ է արել արտադրողներին ժամանակին ստանալ պարտադիր ճանաչում, որը հաստատում է Վրաստանի օրենսդրությանը համապատասխանությունը: Սա վերաբերում է կենդանական ծագման մթերքների հետ աշխատող բոլոր օպերատորներին (բացառությամբ առաջնային վերամշակման), այդ թվում՝ պանրի արտադրությանը։

Ճանաչման գործընթացի, տնտեսական գործունեության ցանկի և ընթացակարգի վերաբերյալ մանրամասները հասանելի են գործակալության պաշտոնական կայքում։

Լուսանկարը՝ Jnews-ի արխիվից