Վրաստանի ֆինանսների նախարարության քննչական ծառայությունը ձերբակալել է առողջապահության նախկին փոխնախարար Իլիա Ղուդուշաուրիին։

Այս մասին հայտարարել է Ղուդուշաուրիի փաստաբան Դիմիտրի Մճեդլիշվիլին։ Նրա խոսքով՝ Ղուդուշաուրին այժմ գտնվում է նախնական կալանքի վայրում։

Փաստաբանի խոսքով՝ դեռևս հայտնի չէ, թե ինչի մեջ է մեղադրվում առողջապահության նախկին փոխնախարարը։ Իրավապաշտպանի խոսքով՝ նրան չեն տրամադրվել գործի նյութերը և չգիտի, թե ինչ մեղադրանքներով է կալանավորվել Իլիա Ղուդուշաուրին։

Իլիա Ղուդուշաուրին զբաղեցնում էր առողջապահության փոխնախարարի պաշտոնը Զուրաբ Ազարաշվիլիի նախարարի պաշտոնում աշխատելու տարիներին։