Պարենի ազգային գործակալությունը հայտարարել է, որ Picot մանկական սննդի նույնականացված խմբաքանակները գրեթե ամբողջությամբ հանվել են շուկայից։
Ըստ նրանց՝ Պարենի ազգային գործակալության համապատասխան ստորաբաժանումները հսկողություն են իրականացնում Վրաստանի ողջ տարածքում ներմուծված Picot մանկական սննդի որոշակի խմբաքանակների վաճառքի շուկայից հետ կանչելու ուղղությամբ։
«Նույնականացված խմբաքանակներն են՝ Picot 1 400G – 8000003312; Picot 1 800G – 8000003297; Picot 2 800G – 8000003280։
Գործակալության տեսչական խմբերը ստուգել են նույնականացված խմբաքանակները ինչպես ցանցային դեղատներում, այնպես էլ մեծածախ և մանրածախ առևտրի կետերում։
Picot-ի նշված խմբաքանակների արտադրանքը, եթե այդպիսիք կան, ամբողջությամբ հանվել է ստուգված կետերից և ենթակա է ոչնչացման», – ասվում է Պարենի ազգային գործակալության հայտարարության մեջ։
Պարենի ազգային գործակալությունը կոչ է անում սպառողներին չօգտագործել նշված խմբաքանակներից արտադրանքը, եթե նրանք արդեն գնել են դրանք։
Ցերուլիդ տոքսինի հայտնաբերման հնարավոր ռիսկի պատճառով, Lactalis Nutrition Sante (LNS) – Picot մանկական կաթնամթերքի որոշակի խմբաքանակներ հետ են կանչվել շուկայից։
