Մցխեթա-Ստեփանծմինդա-Լարս մայրուղու Գուդաուրի (Փոստ) — Կոբի հատվածում թեթև մարդատար ավտոմեքենաների երթևեկությունը վերականգնվել է՝ ճանապարհների մաքրման աշխատանքների արդյունքում։ Այս մասին հայտնում է Ճանապարհային վարչությունը։

Ինչ վերաբերում է մյուս ուղղություններին, ապա հայտնում են, որ առատ ձյան և դժվարին եղանակային պայմանների պատճառով ճանապարհի որոշ հատվածներում մտցվել են երթևեկության հատուկ ռեժիմներ։

«Մասնավորապես, մերկասառույցի, առատ ձյան և դժվար օդերևութաբանական պայմանների պատճառով կցորդով և կիսակցորդով ավտոմեքենաների երթևեկությունը սահմանափակված է հետևյալ ճանապարհահատվածներում՝

— Մցխեթա-Ստեփանծմինդա-Լարս ավտոմայրուղու Գուդաուրի (Փոստ) — Կոբի հատվածում,

— Թբիլիսի-Սենակի-Լեսելիձե ավտոմայրուղու Ախալսոփելի-Բորիտի հանգույցի հատվածում,

— Գոմի-Սաչխերե-Ճիաթուրա-Զեստաֆոնի ավտոմայրուղու 1-106 կմ հատվածում,

— Կոդա-Ալգեթի գյուղում և Կոդա-Փարցխիսի-Մանգլիսի-Ծալկա-Նինոծմինդա ավտոմայրուղու 110-146 կմ հատվածներում,

— Նակերալայի լեռնանցքում,

— Սաչխերե-Ռաճա ճանապարհին,

— Փարցխիսի-Թեթրիծղարո ավտոմայրուղում,

— Մառնեուլի- Թեթրիծղարո -Ծալկա ավտոմայրուղում,

— Օփիթարա-Մելեսի հատվածում: Քութաիսի–Ծղալտուբո–Ցագերի–Լենտեխի–Լասդիլի մայրուղին,

— Քութայիսի–Ալփանա–Մամիսոնի մայրուղու Կորենիշի–Շովի հատվածում,

— Զուգդիդի–Ջվարի–Մեստիա–Լասդիլի ավտոճանապարհի Ջվարի–Ուշգուլի հատվածում։

Ձնահոսքի վտանգի, առատ ձյան, վատ տեսանելիության և ձնաբքի պատճառով բոլոր տեսակի տրանսպորտային միջոցների երթևեկությունը ժամանակավորապես սահմանափակված է՝

— Փարվանայի լեռնանցքում,

— Բաթումի (Անգիսա)- Ախալցիխեի մայրուղու Պաքսաձե-Ուտղիսուբանի կամրջի հատվածում,

— Նիչբիսի-Դիդգորի-Դիդի Տոնեթի ճանապարհին,

— Քորշա-Շատիլի հատվածում,

— Ուշգուլի-Լասդիլի հատվածում։

«Բաթումի-Ախալցիխե մայրուղու 50-րդ կմ-ից մինչև 85-րդ կմ հատվածում թույլատրվում է երթևեկել միայն բարձրանցանելիությամբ տրանսպորտային միջոցներին։

Մայրուղու մնացած հատվածներում տրանսպորտային միջոցների երթևեկությունը թույլատրվում է առանց սահմանափակումների», — ասվում է հայտարարության մեջ։