Մցխեթա-Ստեփանծմինդա-Լարս միջազգային մայրուղու Գուդաուրի(Պոստա)-Կոբի հատվածում բոլոր տեսակի տրանսպորտային միջոցների երթևեկությունը ժամանակավորապես սահմանափակ է։
Վրաստանի տարածաշրջանային զարգացման և ենթակառուցվածքների նախարարության ճանապարհային վարչության տվյալներով՝ այս սահմանափակման պատճառը բարդ օդերևութաբանական պայմաններն էին (բուք, ձյան կուտակումներ, սահմանափակ տեսանելիություն):
«Ըստ շրջակա միջավայրի պաշտպանության ազգային գործակալության՝ Մլետա-Գուդաուրի և Ստեփանծմինդա-Լարս հատվածներում տրանսպորտային միջոցների երթևեկությունը կլինի անկանոն», — ասվում է գործակալության հաղորդագրության մեջ։
