Վրաստանի ճանապարհային վաչճությունը հայտնում է՝ տեղումների և բարդ օդերևութաբանական պայմանների պատճառով ճանապարհների որոշ հատվածներում սահմանվել են երթևեկության հատուկ ռեժիմներ։
Սահմանափակումներ են գործում կցորդով և կիսակցորդով տրանսպորտի համար մերկասառույցի, տեղումների և բարդ եղանակի պատճառով արգելված է կցորդով և կիսակցորդով տրանսպորտային միջոցների երթևեկությունը հետևյալ հատվածներում.
- Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում
- Կոդա-Փարցխիսի-Մանգլիսի-Ծալկա-Նինոծմինդա ճանապարհի Կոդա-Ալգեթի և Այազմա-Նինոծմինդա հատվածներում
- Նաքերալայի լեռնանցքում
- Սաչխերե-Ռաճա ավտոճանապարհին
- Փարցխիսի-Թեթրիծղարո ճանապարհին
- Մառնեուլի-Թեթրիծղարո-Ծալկա ճանապարհին
- Քութաիսի-Ծկղալտուբո-Ցագերի-Լենտեխի-Լասդիլի ճանապարհի Օփիտարա-Մելե հատվածում
- Քութաիսի-Ալպանա-Մամիսոնի ճանապարհի Քորենիշի-Շովի հատվածում
- Զուգդիդի-Ջվարի-Մեստիա-Լասդիլի ճանապարհի Ջվարի-Ուշգուլի հատվածում։
Բոլոր տեսակի տրանսպորտի համար ձնահյուսի վտանգի, ուժեղ ձյան, վատ տեսանելիության և բքի պատճառով երթևեկությունը ժամանակավորապես դադարեցված է բոլոր տեսակի տրանսպորտային միջոցների համար հետևյալ ուղղություններով.
- Նիչբիսի-Դիդգորի-Դիդի Թոնեթի հատվածում
- Բաթումի-Ախալցիխե ճանապարհի Գոդերձի հանգստավայր — Ուտկղիսուբանի հատվածում
- Կորշա-Շատիլի հատվածում
- Ուշգուլի-Լասդիլի հատվածում։
Մեքենաների համար երթևեկությունը թույլատրվում է միայն բարձր անցողունակության տրանսպորտային միջոցների համար Վազիանի-Գոմբորի-Թելավի ճանապարհի Վերոնա-Թելավի հատվածում և Բաթումի-Ախալցիխե ճանապարհի 50-րդ կմ-ից մինչև 103-րդ կմ հատվածում։
Ավտոճանապարհների մնացած բոլոր հատվածներում երթևեկությունն ազատ է։
