Ըստ շրջակա միջավայրի ազգային գործակալության՝ Մցխեթա-Ստեփանծմինդա-Լարս մայրուղու 93-րդ և 107-րդ կմ-ների միջև ընկած հատվածը (Գուդաուրի(Փոստա)-Կոբի) մնում է խիստ վտանգավոր, ուստի այս հատվածում արգելված է բոլոր տեսակի տրանսպորտային միջոցների երթևեկությունը: Անվտանգության նկատառումներից ելնելով՝ այս հատվածում արգելվում են նաև ճանապարհի մաքրման աշխատանքները:
Մաքրման աշխատանքները կսկսվեն, հենց որ Շրջակա միջավայրի ազգային գործակալությունը վերացնի վտանգը, իսկ տրանսպորտային միջոցների երթևեկությունը կվերականգնվի հնարավորինս սեղմ ժամկետնետում։
Ինչ վերբերում է մյուս ուղղություններին՝ տրանսպորտային միջոցների երթևեկությունն ազատ է բոլոր կենտրոնական մայրուղիներում։
Որոշակի երթևեկության սահմանափակումներ են գործում միայն բարձրալեռ շրջաններում։ Մասնավորապես, մերկասառույցի, առատ ձյան և անբարենպաստ եղանակային պայմանների պատճառով սահմանափակ է կցորդով և կիսակցորդ մեքենաների երթևեկությունը.
• Ախալքալաք-Կարծախ և Ախալցիխե-Նինոծմինդա ավտոճանապարհներին
• Նակերալա լեռնանցքում՝ Սաչխերե-Ռաճայի ճանապարհին
• Քութայիսի-Ալպանա-Մամիսոնի ճանապարհին, Կորենի-Շովի հատվածում
• Զուգդիդի-Ջվարի-Մեստիա-Լասդիլի ճանապարհին, Ջվարի-Ուշգուլի հատվածում
Ձյան առատ տեղումների, վատ տեսանելիության և բքի պատճառով բոլոր տեսակի տրանսպորտային միջոցների երթևեկությունը ժամանակավորապես սահմանափակ է.
• Նիչբիսի-Դիդգորի-Դիդի Թոնեթի ճանապարհին
• Բաթումի-Ախալցիխե ճանապարհ, Գոդերձի-Ութխիսուբանի հատվածում
• Քորշա-Շատիլի հատվածում
• Ուշգուլի-Լասդիլի հատվածում:
