Վրաստանի արտաքին գործերի նախարարությունը տեղեկացնում է․

2026 թվականի հունվարի 1-ից, համաձայն «Զբոսաշրջության մասին» Վրաստանի օրենքի, Վրաստան մուտք գործող բոլոր զբոսաշրջիկների համար պարտադիր է դառնում առողջության և դժբախտ պատահարի ապահովագրության առկայությունը։ Այս մասին հայտնել է Վրաստանի ազգային զբոսաշրջության վարչությունը: Վրաստանում Հայաստանի դեսպանությունը նույնպես տեղեկացրել է իր քաղաքացիներին այս մասին:

Վրաստան մուտք գործող յուրաքանչյուր զբոսաշրջիկ պարտավոր է ներկայացնել ապահովագրության առկայության վերաբերյալ փաստաթուղթ՝ ֆիզիկական կամ էլեկտրոնային տարբերակով, կազմված՝ վրացերեն կամ անգլերեն։ Ապահովագրական փաստաթուղթը կարող է տրամադրվել, ինչպես վրացական, այնպես էլ միջազգային ապահովագրական ընկերությունների կողմից, և ապահովագրական գումարը պետք է կազմի նվազագույնը 30․000 լարի։ Ապահովագրական ծածկույթը պետք է պարունակի հետևյալը.

• Ապահովագրական պայմանագրի կողմեր

• Ծածկույթի տարածք

• Ապահովագրության առարկա

• Ապահովագրական ժամանակահատվածի մեկնարկի և ավարտի ժամկետներ

• Ապահովագրված ռիսկեր

• Ապահովագրական գումարի չափ

• Ապահովագրական վճարի չափ, վճարման վայր և ժամկետ։

Ապահովագրությունը պետք է գործի զբոսաշրջիկի Վրաստան մուտք գործելուց մինչև մեկնումը՝ նրա երկրում գտնվելու ողջ ժամանակահատվածի ընթացքում։

Ապահովագրական պոլիս ունենալու պահանջը չի տարածվում.

• Դիվանագիտական կամ հատուկ վիզա ունեցող անձանց,

• Դիվանագիտական, ծառայողական, պաշտոնական կամ հատուկ անձնագրերի տերերին,

• Վրաստանում միջազգային կազմակերպությունների դիվանագիտական առաքելությունների, հյուպատոսական հիմնարկների և ներկայացուցչությունների, ինչպես նաև նրանց կոնտակտային անձանց վրա,

• Հավասար ներկայացուցչության մարմինների հավատարմագրված աշխատակիցների, ինչպես նաև հավատարմագրված աշխատակիցների ընտանիքի անդամների վրա,

• Անձանց, որոնց մուտքը Վրաստան նախատեսված է միջազգային համաձայնագրերով կամ պայմանագրերով,

• Միջազգային ավտոմոբիլային բեռնափոխադրումներով և ուղևորափոխադրումներով զբաղվող վարորդների վրա:

Վրաստանի կառավարության «Վրաստան մուտք գործող զբոսաշրջիկների պարտադիր բժշկական և դժբախտ պատահարներից ապահովագրության կանոններն ու պայմանները հաստատելու մասին» Թիվ 602 որոշման ուժի մեջ մտնելու ամսաթիվը սահմանվել է 2026 թվականի հունվարի 1-ը, այս մասին հայտնում է Զբոսաշրջության ազգային գործակալությունը։

Այս տեղեկատվության հրապարակումը բազմաթիվ հարցեր է առաջացնում, սակայն Jnews-ը դեռևս պատասխաններ չի ստացել։ Մենք չկարողացանք գտնել վերոնշյալ որոշումն առցանց, իսկ Վրաստանի ազգային գործակալությունը դեռևս չի պատասխանել մեր հարցերին։