Խանդոյի բնակիչները կապ են հաստատել Jnews-ի հետ և սոցիալական ցանցերում տեղեկատվություն են տարածել՝ բարձրաձայնելով գյուղի խնդիրները և կոչ անելով իշխանություններին լուծել դրանք: Նրանց դիմումում նշվում է, որ իրենց գյուղի խնդիրները լուծում է ոչ թե պետությունը, այլ գյուղի բնակիչները:

Պատկան մարմիններին ուղղված դիմումում գյուղի բնակիչներից մեկը նշել է գյուղի դպրոցում գազիֆիկացման բացակայության մասին: Այս գյուղում բնական գազը հասանելի է արդեն մի քանի տարի: Խնդիրը վերաբերում է նաև գյուղի ներքին ճանապարհներին: Խանդոյի բնակիչները Jnews-ի լրագրողների հետ զրույցում նշել են, որ որոշ գյուղերի ներքին ճանապարհներն արդեն ասֆալտապատվում են, և նրանք նույն ցանկությունն ունեն:

«Խանդոյի ոգին. Երբ տեղական Նախաձեռնությունը փոխարինում է պետական հոգածությանը

Մինչ մեր շրջանի բոլոր գյուղերում պետությունն ակտիվորեն ասֆալտապատում է ճանապարհները, Խանդոյում իրավիճակը տարբեր է։ Ցավոք, մեր գյուղը դեռևս չի ստացել կենտրոնացված ծրագրերի ուշադրությունը, որին արժանի է։

Խանդոցիները սկսել են սեփական միջոցներով բարելավել գյուղի ենթակառուցվածքները։

Մեր հայրենակից բարերարների քայլերը դրա լավագույն ապացույցն են.

Մեր բարերարների մեծահոգությամբ՝

• լուսավորվել են գրեթե բոլոր փողոցները,
• վերանորոգվել են ճանապարհներ,
• կառուցվել է ժամանակակից խաղահրապարակ մեր երեխաների համար։

Սա ուղղակի ճանապարհի վերանորոգում չէ, այլ ուղերձ. երբ համայնքի բարեկեցությունը դառնում է յուրաքանչյուրիս անձնական գործը, մենք ի զորու ենք հասնել նշանակալի փոփոխությունների։ Մեր խորին շնորհակալությունը մեր բարերարներին՝ մեր գյուղի հանդեպ ունեցած սիրո և զգալի աջակցության համար։ Միևնույն ժամանակ, մենք չենք կարող լռել հիմնարար խնդիրների մասին, որոնք պետք է լուծվեն կենտրոնացված ծրագրերով։

ԱՆԹՈՒՅԼԱՏՐԵԼԻ Է՝ Խանդոյի դպրոցը մինչև հիմա ԳԱԶիՖԻԿԱՑՎԱԾ ՉԷ։

Մեր երեխաները ստիպված են սովորել ցածր ջերմաստիճանի ծանր պայմաններում։ Սա կենսական հարց է, որը պահանջում է անհապաղ լուծում։

Կոչ ենք անում համապատասխան մարմիններին.

ԱՐԱԳԱՑՆԵԼ Խանդո գյուղի ճանապարհների բարեկարգման պետական ծրագրերը։

ԱՆՀԱՊԱՂ ԼՈՒԾՈՒՄ ՏԱԼ ԴՊՐՈՑԻ ԳԱԶԻՖԻԿԱՑՄԱՆ ԿԵՆՍԱԿԱՆ ՀԱՐՑԻՆ։

Մեր երեխաների առողջությունն ու կրթությունը բանակցության առարկա չեն», — գրում է Արարատ Սպերցյանը։

Jnews-ը կփորձի պարզաբանել Խանդոյի բնակիչների կողմից բարձրացված խնդիրների շուրջ ստեղծված իրավիճակը։

Լուսանկարը տրամադրել է Արարատ Սպերցյան