Վերջին օրերին Ներքին գործերի նախարարության միգրացիայի վարչության աշխատակիցները, համապատասխան գերատեսչությունների հետ սերտ համագործակցությամբ, Վրաստանից արտաքսել են 39 օտարերկրյա քաղաքացիների։ Այս մասին հայտնել է Ներքին գործերի նախարարությունը։

Նրանց տվյալներով՝ այս տարվա սկզբից ի վեր Վրաստանից արտաքսվել է ընդհանուր առմամբ 1243 մարդ։
«Միգրացիայի վարչության կողմից իրականացված համալիր միջոցառումների արդյունքում երկրից արտաքսվել են Հնդկաստանի, Թուրքիայի, Բանգլադեշի, Չինաստանի, Իրանի, Ռուսաստանի, Քենիայի, Թուրքմենստանի, Պակիստանի, Եգիպտոսի, Նիգերիայի, Սուդանի, Հորդանանի և Ուզբեկստանի քաղաքացիներ՝ ընդհանուր առմամբ 39 մարդ։

Գործող օրենսդրության համաձայն՝ արտաքսված անձանց արգելվել է մուտք գործել երկիր։

Վրաստանի Ներքին գործերի նախարարության միգրացիայի վարչությունը երկրի ներսում անօրինական միգրացիայի դեմ պայքարի համար պատասխանատու մարմինն է։ Նրա պարտականությունների մեջ են մտնում Վրաստանում առանց օրինական հիմքերի բնակվող օտարերկրյա քաղաքացիների նույնականացումը և նրանց երկրից արտաքսումը՝ ներգաղթային վերահսկողության և այլ հատուկ միջոցառումների միջոցով», — ասվում է Ներքին գործերի նախարարության հայտարարության մեջ։