Ախալքալաքի մունիցիպալիտետում, գրիպի վիրուսը ներկայումս գտնվում է ոչ ակտիվ փուլում, սակայն ցրտերի սկսվելուն պես բժիշկները կանխատեսում են դեպքերի աճ։ Համաճարակաբանների կարծիքով, գրիպի դեպքերի պիկը սպասվում է հունվարի վերջին և փետրվարին, ուստի բնակիչներին կոչ է արվում ձեռնարկել կանխարգելիչ միջոցառումներ և պատվաստվել։
Ախալքալաքում, վերջերս, դիտվում էր տաք եղանակը, ինչը որոշ չափով կանխում էր շնչառական հիվանդությունների և գրիպի ակտիվ տարածումը։ Սակայն, օդի ջերմաստիճանի նվազման հետ, մեծանում է նրանց տարածման ռիսկը։ Բժիշկները կանխատեսում են, որ մունիցիպալիտետում դեպքերի պիկը սպասվում է հունվար, փետրվար ամիսներին։
«Մեզ դիմել են շնչառական ախտանիշներով հիվանդներ։ Ծանր դեպքեր չեն գրանցվել, սակայն գրիպ պաշտոնապես չի գրանցվել, չնայած կլինիկական նշանները ենթադրում են, որ նման ախտորոշումը հնարավոր է։ Վարակվածների մեծ մասը երեխաներ են, ինչը բացատրվում է հանդեսների և տարբեր միջոցառումների սեզոնով։ Բացի այդ, սկսվել է գնումների եռուն սեզոնը, ուստի անհրաժեշտ է զգույշ լինել», — նշում է համաճարակաբան Գայանե Ֆիդանյանը։
Բացի գրիպից, համաճարակաբանները կարծում են, որ մունիցիպալիտետում շրջանառվում է նաև COVID-19-ը, սակայն հանրությունն այն արդեն ընկալում է որպես սովորական վարակ։ Կորոնավիրուսը, ինչպես նախկինում, հայտնաբերվում է թեստերի և լաբորատոր հետազոտությունների օգնությամբ։
Երկու դեպքում էլ ախտանիշները մեծ մասամբ նման են՝ թոքաբորբ, բրոնխիտ և կոնյուկտիվիտ։
Համաճարակաբան Գայանե Ֆիդանյանի խոսքով, կանխարգելման համար խորհուրդ է տրվում դիմակ կրել, ձեռքերը հաճախ լվանալ և, ամենակարևորը, պատվաստվել, որը մնում է պաշտպանության ամենաարդյունավետ միջոցը։
Հակամարմինները սկսում են արտադրվել պատվաստումից երկու շաբաթ անց, և չորս շաբաթ անց մարդը համարվում է պաշտպանված։
Ախալքալաքի հանրային առողջապահության կենտրոնի տվյալներով, մինչ օրս գրիպի հետ կապված տագնապի ահազանգեր չեն գրանցվել, այդ թվում՝ դպրոցներում։
Հոկտեմբերից մինչև այսօր, Ախալքալաքի մունիցիպալիտետում պատվաստվել է 825 մարդ։ Պատվաստանյութը հասանելի է, և նրանք, ովքեր ցանկանում են, դեռ կարող են պատվաստվել։ Բժիշկների կարծիքով, որ այս թիվը քիչ է շրջանի համար։
Համաճարակաբան Գայանե Ֆիդանյանն ընդգծում է, որ դեռ ուշ չէ պատվաստվելու համար, քանի որ Ախալքալաքում գրիպի դեպքերի պիկը սպասվում է հունվարի վերջին և փետրվարին։
