Բրիտանական Independent հրատարակությունը Վրաստանը ներառել է 2026 թվականի լավագույն զբոսաշրջային ուղղությունների ցանկում: Հրատարակության ճանապարհորդության փորձագետ Լորեն Թեյլորի խոսքով՝ Վրաստանը գնալով ավելի մեծ ժողովրդականություն է վայելում զբոսաշրջիկների շրջանում, — հաղորդում է Ազգային զբոսաշրջության գործակալությունը:
Նրանց տեղեկությունների համաձայն՝ Վրաստանը ներառվել է Independent-ի զբոսաշրջային ցանկում այնպիսի հայտնի ուղղությունների շարքում, ինչպիսիք են Մալյորկան, ԱՄՆ-ն, Հարավային Կորեան և այլն։
«Այս տարի EasyJet-ը մեկնարկեց Լոնդոնից դեպի Թբիլիսի չվերթներ, և այս արևելաեվրոպական երկիրը գնալով ավելի է գրավում ճանապարհորդներին։ Վրաստան նոր չվերթներ կավելացվեն 2026 թվականից սկսած։ Թբիլիսին հպարտանում է իր այգիներով, պատմական հին քաղաքի քարե փողոցներով և ծծմբային լոգարաններով: Մայրաքաղաքից դուրս կան հին վանքեր և տաճարներ, այդ թվում՝ Քութայիսիի ՅՈՒՆԵՍԿՕ-ի կողմից գրանցված Գելաթի վանքը: Ինչպես ինձ ասաց խոշոր տուրիստական ընկերության համահիմնադիր Թոմ Բարբերը, Վրաստանը հրաշալի երկիր է, և այն շատ հայտնի կդառնա։ Նրա խոսքով, բոլորը, որոնց մենք ուղարկում ենք Վրաստան, ասում են, որ զարմանալի երկիր է։ Վրացիներն ունեն համեղ խոհանոց և աշխարհի ամենահին գինեգործական ավանդույթը, որը 8000 տարվա պատմություն ունի», — գրում է բրիտանացի ճանապարհորդության փորձագետը Independent-ի համար հոդվածում։
