Վրաստանը հյուրընկալում է 2025 թվականի Մանկական Եվրատեսիլի երգի մրցույթը․ եզրափակիչ շոուն կկայանա այսօր՝ դեկտեմբերի 13-ին, ժամը 20:00-ին։

Եզրափակչի ուղիղ հեռարձակումը կապահովի միջոցառման հյուրընկալող Վրաստանի Հանրային Հեռարձակողը։

Եվրոպայի ամենահեղինակավոր մանկական մրցույթի եզրափակչին մասնակցում են 18 երկրի ներկայացուցիչներ, այդ թվում՝ Վրաստանի ներկայացուցիչը՝ «Ռանինա» նախագծի հաղթող Անիտա Աբգարյանը։

Մանկական Եվրատեսիլ 2025-ի ընթացքում հնարավոր է քվեարկել Վրաստանի ներկայացուցչի օգտին ինչպես Վրաստանից, այնպես էլ աշխարհի ցանկացած երկրից։

Քվեարկությունը տեղի է ունենում կայքում՝ jesc.tv։ Պետք է դիտել կարճ տեսահոլովակների հավաքածուն, ընտրել Վրաստանը և ևս երկու ցանկացած երկիր, այնուհետև սեղմել «Քվեարկել» կոճակը։ Դրանից հետո հարկ կլինի կատարել մի պարզ մաթեմատիկական գործողություն (օրինակ՝ 1+2 կամ 4−3) և սեղմել հաստատման կոճակը։

Քվեարկությունը ժամանակավորապես կդադարեցվի այսօր՝ Թբիլիսիի ժամանակով ժամը 20:00-ին՝ շոուի ուղիղ հեռարձակման մեկնարկին։ Բոլոր 18 մասնակիցների ելույթներից հետո քվեարկությունը կվերսկսվի ևս 15 րոպեով, այս ընթացքում դուք կունենաք կրկին քվեարկելու հնարավորություն։

Վրաստանը Մանկական Եվրատեսիլի պատմության մեջ ամենահաջողակ երկրներից մեկն է՝ հաղթանակ տարած չորս անգամ։ Այս տարի երկիրը մրցույթը հյուրընկալում է արդեն երկրորդ անգամ՝ 2024-ին Անդրია Ֆուտկարաձեի հաղթանակից հետո։