Վրաստանի Ներքին գործերի նախարարության միգրացիայի վարչության աշխատակիցները, սերտ համագործակցությամբ Նախարարության համապատասխան ստորաբաժանումները վերջին օրերին Վրաստանից արտաքսել են 44 օտարերկրյա քաղաքացիների։
ՆԳՆ-ի տվյալներով՝ միգրացիայի դեպարտամենտի կողմից ձեռնարկված համալիր միջոցառումների արդյունքում երկրից արտաքսվել է Թուրքիայի, Ադրբեջանի, Իրանի, Հորդանանի, Պակիստանի, Չինաստանի, Ռուսաստանի, Հայաստանի, Նիգերիայի, Թուրքմենստանի, Գանայի, Իրաքի, Եմենի, Եգիպտոսի և Լիբանանի ընդհանուր առմամբ 44 քաղաքացի։
«Հատկանշական է, որ վերջին մեկ ամսվա ընթացքում համալիր միջոցառումների արդյունքում երկրից արտաքսվել է 152 օտարերկրյա քաղաքացի, և ընթացիկ տարվա ցուցանիշը զգալիորեն գերազանցում է վերջին մի քանի տարիների ընթացքում արտաքսված անձանց ընդհանուր թիվը, որը, ըստ ներկայիս տվյալների, կազմել է 1 131 անձ։
Վրաստանի Ներքին գործերի նախարարության միգրացիայի դեպարտամենտը պատասխանատու է երկրի ներսում անօրինական միգրացիայի դեմ պայքարի համար։ Դրա իրավասություններից մեկն է Վրաստանում առանց օրինական հիմքի գտնվող օտարերկրյա քաղաքացիների նույնականացումը և նրանց Վրաստանից արտաքսումն իրականացնելը՝ ինտենսիվ ներգաղթային վերահսկողության և այլ միջոցառումների միջոցով», – նշվում է ՆԳՆ-ի տեղեկատվության մեջ։
