Այսօր Jnews-ն իր հավատարիմ ընթերցողներից տեղեկացավ, որ «Ճգնավոր» կամ «Վանք» կոչվող սրբատեղին վերածվել է աղբանոցի։
Jnews-ը եղավ այնտեղ։ Սեբատեղին վերածվել էր աղբանոցի, այնտեղ ամեն ինչ թափթփված էր։
Մենք անմիջապես տեղում 3 պարկ աղբ հավաքեցինք եւ հնարավորինս կարգի բերեցինք «Ճգնավոր» սրբատեղին, սակայն այնտեղ դեռ աղբ կա։
Jnews-ը սրբավայր այցելողներին կոչ է անում այնտեղ մոմ վառելուն եւ աղոթելուն զուգահեռ չաղտոտել տարածքը։ Սրբատեղին քեֆ անելու ու աղբը թափելու վայր չէ, այն պետք է աչքի լույսի պես պահել ու պահպանել։
2018 թվականին Ախալքալաք քաղաքի և Բավրա գյուղի միջև, ձորում գտնվող մատուռը, որը հայտնի է Վանք կամ Ճգնավոր անվանումով, ճանաչվել է Վրաստանի մշակութային ժառանգության անշարժ հուշարձան։
