Քվեմո Քարթլիի մարզի Մառնեուլիի շրջանի ոստիկանության աշխատակիցներն անչափահասի նկատմամբ ընտանեկան բռնության մեղադրանքով ձերբակալել են նախկինում դատապարտված 1994 թվականին ծնված Ա. Ն.-ին: Այս տեղեկատվությունը հրապարակել է Վրաստանի Ներքին գործերի նախարարությունը:

Ըստ գործակալության՝ այս հանցագործությունը կատարելու համար նախատեսված է մինչև 3 տարի ազատազրկում։

«Քննությամբ պարզվել է, որ մեղադրյալը ֆիզիկական բռնություն է գործադրել իր անչափահաս երեխաների նկատմամբ, որոնք ծնվել են 2012 և 2016 թվականներին։ Բռնության հետևանքով անչափահասների մարմինները բազմաթիվ վնասվածքներ են ստացել։ Մեղադրյալը տեղում ձերբակալվել է։ Հետաքննությունն ընթանում է 126-րդ հոդվածի 2-րդ մասի «Ա» ենթակետով, — նշվում է տեղեկատվության մեջ։