Ազգային վիճակագրության ծառայության տվյալներով՝ Վրաստանի արտաքին առևտրաշրջանառությունը (բացառությամբ չհայտարարագրված առևտրի) 2025 թվականի հունվար-հոկտեմբեր ամիսներին կազմել է 20,831.5 միլիոն դոլար, ինչը նախորդ տարվա նույն ժամանակահատվածի համեմատ աճել է 8.6%-ով։
«Վրացստատ»-ի տվյալներով՝ արտահանումը կազմել է 5,835.9 միլիոն դոլլար (աճը՝ 6.8%), իսկ ներմուծումը՝ 14,995.7 միլիոն դոլլար (աճը՝ 9.3%)։ Վրաստանի բացասական առևտրային հաշվեկշիռը 2025 թվականի հունվար-հոկտեմբեր ամիսներին հասել է 9,159.8 միլիոն դոլլարի, որը կազմում է արտաքին առևտրաշրջանառության 44.0%-ը։
Բացի այդ, «Վրացստատ»-ի հաշվետվության համաձայն՝ Վրաստանի տասը խոշորագույն առևտրային գործընկերները 2025 թվականի հունվար-հոկտեմբեր ամիսներին կազմել են Վրաստանի արտաքին առևտրի ընդհանուր շրջանառության 68.4%-ը: Ամենամեծ առևտրային գործընկերներն են՝ Թուրքիան (2,536.2 միլիոն ԱՄՆ դոլլար), ԱՄՆ-ն (2,343.3 միլիոն ԱՄՆ դոլլար) և Ռուսաստանը (2,145.9 միլիոն ԱՄՆ դոլլար):
2025 թվականի հունվար-հոկտեմբեր ամիսներին թեթև մարդատար ավտոմեքենաներն առաջին տեղում էին տասը խոշորագույն արտահանվող ապրանքային խմբերի շարքում՝ 2,287.1 միլիոն ԱՄՆ դոլլարով, որը կազմում է ընդհանուր արտահանման 39.2%-ը: Երկրորդ տեղում էին թանկարժեք մետաղների հանքաքարերը և խտանյութերը՝ 291.6 միլիոն ԱՄՆ դոլլարով, իսկ երրորդում՝ ալկոհոլային խմիչքները՝ 230.1 միլիոն ԱՄՆ դոլլարով:
Թեթև մարդատար ավտոմեքենաները նույնպես ամենամեծ ներմուծվող ապրանքային խումբն էին 2025 թվականի հունվար-հոկտեմբեր ամիսներին, որոնց ներմուծումը կազմել է 3,152.4 միլիոն ԱՄՆ դոլլար կամ ընդհանուր ներմուծման 21.0%-ը: Երկրորդ տեղը զբաղեցնում են նավթը և նավթամթերքը (1,098.2 միլիոն դոլլար), որին հաջորդում են փաթեթավորված դեղագործական արտադրանքը (559.9 միլիոն դոլլար):
Աղբյուրը՝ Bizzone.info
