Վրաստանի Ներքին գործերի նախարարությունը մշակել է օրենսդրական փոփոխությունների փաթեթ, որի հիմնական նպատակն է ապահովել ճանապարհային երթևեկության կանոնների առավելագույն պահպանումը և կանխել ճանապարհատրանսպորտային պատահարները։
Ինչպես նշված է Ներքին գործերի նախարարության տեղեկատվության մեջ, վերջին տարիներին, տրանսպորտային միջոցների թվի զգալիորեն աճի և շարժունակության աճի ֆոնին, ճանապարհային անվտանգությունը շարունակում է մնալ մարտահրավեր, և չնայած ձեռք բերված առաջընթացին, Վրաստանում ամեն տարի ճանապարհատրանսպորտային պատահարների հետևանքով հարյուրավոր մարդիկ մահանում կամ լուրջ առողջական վնասվածքներ են ստանում։
«Համապատասխանաբար, ճանապարհատրանսպորտային պատահարները և դրանց հետ կապված մահացության մակարդակը պարտավորեցնում են պետությանը արդյունավետ քայլեր ձեռնարկել ճանապարհային անվտանգության կանոնների խստացման ուղղությամբ։
Ճանապարհատրանսպորտային պատահարների պատճառների վերլուծությունը հաստատում է, որ հասարակական անվտանգությունն առավելագույնս ապահովելու համար անհրաժեշտ է զգալիորեն վերանայել և խստացնել գործող պատժամիջոցները։ Համապատասխանաբար, Վրաստանի Ներքին գործերի նախարարությունը պատրաստել է օրենսդրական փոփոխությունների փաթեթ, որի համաձայն.
- Ճանապարհին տրանսպորտային միջոցի մանևրելու կանոնները խախտելու համար տուգանքը մեծանում է մինչև 100 լարի։
- Միաժամանակ, այս խախտման համար վարորդական իրավունքին տրվող միավորների քանակը կնվազի 20 միավորով։
- Արագության սահմանափակումը 15 կմ/ժ-ից ավելի, բայց ոչ ավելի, քան 40 կմ/ժ գերազանցելու համար տուգանքը 50-ից բարձրանում է մինչև 100 լարի։
- 50 լարի տուգանք է նախատեսվում ավտոմեքենան վարելու ժամանակ վարորդի կամ ուղևորի մոտ անվտանգության գոտի չօգտագործելը, բացի այդ վարոդից կհանվի 10 միավոր։
- Տրանսպորտային միջոց վարելիս բջջային հեռախոս օգտագործելու համար տուգանքը մեծանում է մինչև 50 լարի։
- Կանգնելու և կայանելու կանոնների խախտման դեպքում, Թբիլիսիի նման, Քութայիսիի, Բաթումիի, Մցխեթայի, Ռուսթավիի, Գորիի, Թելավիի, Փոթիի, Զուգդիդիի և վրացական հանգստավայրերի մունիցիպալիտետներում տուգանքը բարձրացվում է մինչև 50 լարի։
- Բացի այդ, պատասխանատվություն է սահմանվում «BUS LANE» միկրոավտոբուսից բացի ցանկացած այլ տրանսպորտային միջոցի երթևեկության հակառակ ուղղությամբ վարելու համար, ինչը կհանգեցնի 200 լարի տուգանքի։
- Նաև նոր խախտում է սահմանվում մայթեզրին կամ հետիոտնային անցման վրա տրանսպորտային միջոցի կանգառը կամ կայանելը, ինչը կհանգեցնի 100 լարի տուգանքի։ Միևնույն ժամանակ, այս խախտման դեպքում տրանսպորտային միջոցը կքարշակվի դեպի հատուկ անվտանգ կայանատեղի՝ օրենքով սահմանված պայմաններին համապատասխան։
Նշված օրենսդրական փոփոխությունների փաթեթն արդեն ներկայացվել է Վրաստանի խորհրդարան», – ասվում է տեղեկատվության մեջ։
