Վրաց-ադրբեջանական սահմանի մոտ ենթադրաբար թուրքական ռազմական ուղղաթիռ է կործանվել, հաղորդում է վրացական «Իմեդի» հեռուստաընկերությունը՝ Վրաստանի կողմից արված մի տեսանյութ տարածելով։
Դրանում հստակ երևում է, թե ինչպես է ծխացող ուղղաթիռը վայր ընկնում։
Թուրքիայի պաշտպանության նախարարությունն հաստատել է վրաց-ադրբեջանական սահմանին ռազմական օդանավի կործանման մասին վրացական մամուլում հայտնված տեղեկությունները։
«Վրաստանում կործանվածը C130 մակնիշի ռազմատրանսպորտային օդանավ է, որն Ադրբեջանից վերադառնում էր հայրենիք», — հաղորդում է Թուրքիայի ռազմական գերատեսչությունը։
«Աղետի վայրում Վրաստանի իշխանությունների հետ համատեղ որոնողական և փրկարարական գործողություններ են ձեռնարկվել», — հավելել է նախարարությունը։
Ավելի վաղ վրացական լրատվամիջոցները հաղորդել էին թուրքական ռազմական ուղղաթիռի կործանման մասին։
