Վրաստանը կհյուրընկալի «Մանկական Եվրատեսիլ 2025» երգի մրցույթը։ Ինչպես հայտնի է, «Մանկական Եվրատեսիլ 2025» երգի մրցույթը տեղի կունենա Թբիլիսիում դեկտեմբերի 13-ին։

Վրաստանի բյուջեից մրցույթի ֆինանսավորումը կաճի 870,000 լարիով՝ հասնելով 9,034,280 լարիի: Համապատասխան փոփոխություններ են կատարվել 2025 թվականի օգոստոսի 6-ի «Մանկական Եվրատեսիլ 2025» երգի մրցույթի կազմակերպման համար նախատեսված որոշակի միջոցառումների ֆինանսավորման մասին» որոշման մեջ, որի համաձայն միջոցառման համար պետք է հատկացվեր 8,164,280 լարի:

Փաստաթղթում, մասնավորապես, նշվում է, որ այս գումարից 8 միլիոն լարին հատկացվում է Մշակույթի նախարարությանը, 164,280 լարին՝ Էկոնոմիկայի և կայուն զարգացման նախարարությանը, իսկ 870 հազար լարին՝ Կառավարության հատուկ հաղորդակցությունների գործակալությանը։

Նշենք, որ սա երկրորդ անգամն է, որ «Մանկական Եվրատեսիլ» երգի մրցույթն անցկացվում է Վրաստանում։ Առաջին միջազգային երգի մրցույթն անցկացվել է Թբիլիսիում 2017 թվականին։