Ներքին գործերի նախարարության միգրացիայի դեպարտամենտի և սահմանային ոստիկանության համատեղ անցկացված բարդ գործողության արդյունքում ձերբակալվել են Հնդկաստանի, Պակիստանի, Նիգերիայի և Նեպալի ընդհանուր առմամբ հինգ քաղաքացիներ։
ՆԳՆ-ի տվյալներով՝ պարզվել է, որ ձերբակալված անձինք, հաշվի առնելով «Օտարերկրացիների և քաղաքացիություն չունեցող անձանց իրավական կարգավիճակի մասին» Վրաստանի օրենքը, գտնվում էին երկրում առանց օրինական հիմքերի։ Նրանք չարաշահել են ապաստանի ընթացակարգով նախատեսված ժամկետները և տարիներ շարունակ գտնվել են երկրում առանց օրինական հիմքերի։
«Կալանավորված անձինք չեն օգտվել արտաքսման որոշմամբ սահմանված ժամկետներից, որը ենթադրում է երկրից կամավոր մեկնում, ինչի արդյունքում Ներքին գործերի նախարարության միգրացիայի դեպարտամենտը որոշում է կայացրել ձերբակալել նշված անձանց։
Որոշումն իրականացնելու համար ձերբակալված անձինք ներկայումս գտնվում են միգրացիայի դեպարտամենտի ժամանակավոր տեղավորման կենտրոնում՝ իրենց ծագման երկիր վերադառնալու նպատակով», – նշվում է տեղեկատվության մեջ։
