Հնագետները Ռուսթավիում հայտնաբերել են 9-10-րդ դարերի օղազրահ։ Այս հազվագյուտ գտածոյի մոտ հայտնաբերվել է նաև սաղավարտ. մասնագետները պնդում են, որ այն այս ժամանակաշրջանի ռազմական գտածոների շարքում Անդրկովկասում իր տեսակում այն միակն է։

Ռուսթավիի քաղաքապետարանի կողմից կազմակերպված 9-12-րդ դարերի պալատի ավերակների պեղումները սկսվել են այս ամռանը։ Այս ընթացքում հնագետները հայտնաբերել են մի շարք կարևոր գտածոներ։ Մինչև 100 մարդ, այդ թվում՝ ուսանողներ և կամավորներ, մասնակցում են պեղումներին։

Ռուսթավիի ամրոցի շրջակայքը հայտնի է որպես Քարթլիի ամենահին բնակավայրերից մեկը, որի հետքերը թվագրվում են միջին բրոնզի դարին։

Պատմական աղբյուրները Ռուսթավին որպես քաղաքային բնակավայր հիշատակում են դեռևս մ.թ.ա. 4-րդ դարում՝ Մցխեթայի, Ուփլիսցիխեի և Ուրբնիսիի հին քաղաքների հետ միասին։

Իր գոյության ընթացքում ամրոցը վերակառուցվել է երեք անգամ՝ 5-8-րդ, 9-11-րդ և 12-13-րդ դարերում։ 2020 թվականին ամրոցը ճանաչվել է պետական նշանակության։