Նորընտիր սակրեբուլոներում կստեղծվեն նոր պաշտոններ՝ սակրեբուլոյի նախագահը կունենա ևս մեկ տեղակալ, և երեքի փոխարեն կլինի չորս տեղակալ։

Նախատեսվում է նաև սակրեբուլոյի հանձնաժողովի փոխնախագահի պաշտոնի ներդրում։

Այս ամենը նախատեսված է «Տեղական ինքնակառավարման օրենսգրքի» փոփոխությունների նախագծով, որը ներկայացրել են «Վրացական երազանք»-ի պատգամավորները, և արագացված կարգով կքննարկվի Վրաստանի խորհրդարանում։

Յուրաքանչյուր սակրեբուլոյում գործելու է հինգ հանձնաժողով, որոնք գլխավորում է հանձնաժողովի նախագահը։ «Տեղական ինքնակառավարման օրենսգիրքը» չի նախատեսում հանձնաժողովի փոխնախագահի պաշտոն։

Համապատասխանաբար, նոր օրենքի ընդունման արդյունքում յուրաքանչյուր սակրեբուլոյում կստեղծվի հինգ պաշտոնյայից բաղկացած լրացուցիչ աշխատակազմ։ Հինգ ինքնակառավարվող սակրեբուլոներում կավելանա փոխնախագահի հաստիքը։