Վրաստանի վարչապետ Իրակլի Կոբախիձեն չեղյալ է հայտարարել Ֆինլանդիայի արտաքին գործերի նախարար և ԵԱՀԿ գործող նախագահ Էլինա Վալտոնենի հետ հանդիպումը։
Այս մասին հայտարարություն է տարածել Վրաստանի կառավարության պաշտոնական կայքը։
«Վարչապետը չեղյալ է հայտարարել Ֆինլանդիայի արտաքին գործերի նախարարի հետ նախատեսված հանդիպումը՝ անօրինական հանրահավաքին մասնակցելու և երեկ արված կեղծ հայտարարությունների պատճառով», – ասվում է Վրաստանի կառավարության հայտարարության մեջ։
ԵԱՀԿ գործող նախագահ, Ֆինլանդիայի արտաքին գործերի նախարար Էլինա Վալտոնենը երեկ մասնակցել է Վրաստանի խորհրդարանի առջև ընթացող հանրահավաքին։
Էլինա Վալտոնենը նաև տեսաուղերձ է հրապարակել սոցիալական ցանցերում՝ Ռուսթավելի պողոտայից։
ԵԱՀԿ գործող նախագահ, Ֆինլանդիայի արտաքին գործերի նախարար Էլինա Վալտոնենը հոկտեմբերի 14-ին ժամանել է Վրաստան։ Էլինա Վալտոնենը երեկ հանդիպել է Վրաստանի արտաքին գործերի նախարար Մակա Բոճորիշվիլիի հետ։
