Վրաստանի արտաքին առևտրաշրջանառությունն աճել է։ Մասնավորապես, ըստ «Սաքստատի» տվյալների, 2025 թվականի հունվարից սեպտեմբեր ընկած ժամանակահատվածում Վրաստանի արտաքին առևտրաշրջանառությունն ապրանքների գծով (բացառությամբ չհայտարարագրված առևտրի) կազմել է 18,545 միլիարդ դոլար, ինչը 9,1%-ով ավելի է նախորդ տարվա նույն ժամանակահատվածի համեմատ։ Արտահանումը կազմել է 5,151 միլիարդ դոլար (աճը՝ 7,7%), իսկ ներմուծումը՝ 13,393 միլիարդ դոլար (աճը՝ 9,7%)։

Բացի այդ, 2025 թվականի հունվար-սեպտեմբերին բացասական առևտրային հաշվեկշիռը կազմել է 8,242 միլիարդ ԱՄՆ դոլար, որը կազմում է արտաքին առևտրաշրջանառության 44,4 տոկոսը։