Ներքին գործերի նախարարության Թբիլիսիի ոստիկանության վարչության Հին Թբիլիսիի գլխավոր վարչության աշխատակիցները՝ Թբիլիսիում տեղի ունեցած բռնության փաստի կապակցությամբ, որը վերաբերում է Լեհաստանի քաղաքացիներին, հետաքննության շրջանակներում բերման են ենթարկել ևս մեկ անձի։

Իրականացված օպերատիվ միջոցառումների և քննչական գործողությունների արդյունքում ձերբակալվել է 2005 թ. ծնված Ա.Կ.-ն։

Դեպքի հետաքննության շրջանակում իրավապահներն արդեն իսկ կալանավորել էին 2004 թ. ծնված Ս.Ջ.-ին և նախկինում տարբեր հանցագործությունների համար դատապարտված, 1985 թ. ծնված Է.Գ.-ին՝ անմիջապես հանցագործությունից հետո։

ՆԳՆ-ի հաղորդմամբ՝ մեղադրյալները վիճաբանության արդյունքում Թբիլիսիի ռեստորաններից մեկի հարակից տարածքում տարբեր մարմնական վնասվածքներ են հասցրել Լեհաստանի երեք քաղաքացիներին, իսկ ֆիզիկական բախման ընթացքում մեղադրյալ Է.Գ.-ն կոշտ առարկայի կիրառմամբ բռնություն է գործադրել նրանց նկատմամբ։

Դեպքի առնչությամբ նախաքննությունը շարունակվում է ինտենսիվ ռեժիմով, իրականացվում են բոլոր անհրաժեշտ քննչական գործողությունները։

Քրեական գործը հարուցվել է Քրեական օրենսգրքի 126-րդ հոդվածի առաջին պրիմա մասով։