Վրաստանի առողջապահության նախարարության տվյալներով՝ կենսաթոշակի տրամադրման գործընթացը պարզեցվել է։
Նրանց խոսքով՝ համապատասխան փոփոխությունը ներառվել է Վրաստանի օկուպացված տարածքներից ներքին տեղահանվածների աշխատանքի, առողջապահության և սոցիալական պաշտպանության նախարարի հրամանում։
«Մասնավորապես, կենսաթոշակn այլևս չի կասեցվի որոշակի նույնականացման տվյալների անճշտության պատճառով։ Նախկին պրակտիկայի համաձայն, եթե անձը հաստատող քարտի և Պետական ծառայությունների զարգացման գործակալության տվյալների բազայի միջև որևէ անհամապատասխանություն էր հայտնաբերվում, կենսաթոշակի տրամադրումը կասեցվում էր մինչև քաղաքացու կողմից նոր փաստաթուղթ ներկայացնելը։ Փոփոխությամբ կենսաթոշակը կկասեցվի միայն այն դեպքում, եթե անձնական համարը, ծննդյան տարեթիվը և ամիսը չեն համընկնում։ Այլ դեպքերում Սոցիալական ծառայությունների գործակալությունը կհիմնվի Պետական ծառայությունների զարգացման գործակալության տվյալների վրա, և թոշակառուները կստանան իրենց կենսաթոշակն առանց ուշացման և ավելորդ բյուրոկրատիայի։ Այս որոշման արդյունքում մինչև 1000 թոշակառու կկարողանա ստանալ իրենց կենսաթոշակներն առանց լրացուցիչ ընթացակարգերի ամեն ամիս։ Նրանք այլևս կարիք չեն ունենա այցելել գործակալության սպասարկման կենտրոն կամ «Լիբերթի բանկ»՝ կենսաթոշակի երկարաձգման հայտ ներկայացնելու համար», – ասվում է առողջապահության նախարարության հայտարարության մեջ։
