Ոսկու գինը համաշխարհային շուկաներում նոր ռեկորդ է սահմանել։ Թբիլիսիի ժամանակով ժամը 12:00-ի դրությամբ մեկ ունցիայի գինը կազմում է 3714 դոլար։

Նշենք, որ ոսկու գինն ընդամենը մեկ օրում աճել է 0.78%-ով, ամսվա ընթացքում՝ 9.3%-ով, իսկ տարվա ընթացքում՝ 40%-ով։

Trading Economics-ի տվյալներով՝ ոսկու գների աճը պայմանավորված է ԱՄՆ Դաշնային պահուստային համակարգի կողմից վերաֆինանսավորման տոկոսադրույքը նվազեցնելու որոշմամբ և տարեվերջին տոկոսադրույքի հետագա իջեցման սպասումներով։

Հրատարակությունը գրում է, որ ներդրողներն այս շաբաթ սպասում են ԱՄՆ-ում գնաճի հիմնական տվյալներին և Դաշնային պահուստային համակարգի պաշտոնյաների հետագա քաղաքականության մասին հայտարարություններին, ինչը խթանում է ոսկու պահանջարկի և գների աճը։

Ավելին, թանկարժեք մետաղի գինը բարձրացնող մեկ այլ գործոն է աշխարհաքաղաքական լարվածությունը և ԱՄՆ նախագահ Դոնալդ Թրամփի սակագնային որոշումները, որոնք ներդրողներին ստիպել են փնտրել ոսկու տեսքով անվտանգ ապաստան։