Պաշտպանության նախարարության տեղեկացմամբ, Զազա Պերաձեի անվան նախնական մարտական պատրաստության կենտրոնի 12-ամյակին նվիրված արարողության ընթացքում նորակոչիկները տվել են զինվորական երդում։
Նախարարության տվյալներով, միջոցառմանը մասնակցել են Պաշտպանության ուժերի հրամանատարի տեղակալ, գեներալ-մայոր Զազա Չխաիձեն, նախնական մարտական պատրաստության կենտրոնի ղեկավարությունը և նորակոչիկների ընտանիքների անդամները։
«Պաշտպանության ուժերի հրամանատարի տեղակալը շնորհավորեց նորակոչիկներին զինվորական երդում տալու, իսկ անձնակազմին՝ կենտրոնի տարեդարձի կապակցությամբ։ Նա զինվորական անձնակազմին մաղթեց արժանապատիվ ծառայություն երկրին և խոսեց սկզբնական մարտական պատրաստության կարևոր դերի մասին։
Նախնական մարտական պատրաստության կենտրոնի հրամանատար, գնդապետ Զաքարիա Կալանդաձեն նույնպես ելույթ ունեցավ զինծառայողների առջև։
Տարեդարձի կապակցությամբ, Պաշտպանության նախարարության համակարգում ծառայության համար, կենտրոնի անձնակազմը պարգևատրվեց տարբեր աստիճանի մեդալներով, հուշանվերներով, դիպլոմներով և վկայականներով։
Երդում տալուց առաջ զորակոչիկներն անցան երկամսյա հատուկ նախնական մարտական պատրաստության ծրագիր։ Նրանք կանցկացնեն իրենց պայմանագրային զինվորական ծառայությունը Պաշտպանության ուժերի տարբեր ստորաբաժանումներում», – ասվում է Պաշտպանության նախարարության հաղորդագրության մեջ։
